Jordan Pass, кечиккан кун учун жарималар – Иорданияга виза олишда нималарни билиш керак?
Иордан визасига умумий тасниф
Агар сиз Иорданияга боришни режалаштираётган бўлсангиз, катта эҳтимол билан виза учун мурожаат қилишингиз керак бўлади. Чунки, Иордания билан визасиз режим сиёсати юритадиган давлатлар бирмунча кам. Шунга қарамай, Қиролликнинг виза сиёсати жуда юмшоқ, кўпчилик визани мамлакатга келгач аэропортда олишлари мумкин. Бу имкониятга Ўзбекистон Республикаси фуқаролари ҳам эгалар.
Виза олиш учун ариза топшириш
Сиз мамлакатга келгач, виза учун аризани Ақаба аэропорти, “Queen Alia” халқаро аэропортида, шунингдек қирол Ҳусайн/Алленби кўпригидан бошқа чегара ўтиш пунктларида топширишингиз мумкин. Бунда олдиндан қанақадир ҳаракатларни бажаришингиз шарт эмас. Фақатгина аэропорт ёки кириш пунктига етиб келганингизда:
- Виза бериш пештахталарига яқинлашинг. Одатда у ерда иккита иммиграция ходими бўлади. Бири сизга саёҳатингиз ҳақида саволлар берса, иккинчиси ҳужжатларингизни текширади ва визангизга муҳр қўяди.
- Паспортингизни, қайтиш чиптасини, меҳмонхона буюртмаси ҳужжатини қайтиб олинг ва Иордания визаси учун тўловни тўланг. Ушбу тўлов миқдори 40 иордан динорини (тахмиган 56 АҚШ доллари) ташкил этади. Тўлов учун нақд пул зарур эканлигини ҳам ёдда тутинг. Шунингдек, банк ҳисобварақларини ҳам ўзингиз билан олиш тавсия этилади.
Визага муҳр босилгач, сиз Иорданияга киришингиз мумкин.
Мазкур визанинг амал қилиш муддати
Иорданияга келиб олинадиган виза максимал 30 кун давомида амал қилади ва бир марта кириш имконини беради. Агар сиз узоқроқ муддатга қолишни хоҳласангиз, элчихонага виза олиш, узайтириш учун ариза беришингиз керак бўлади. Шунда сиз икки ва кўп марталик кириш ва олти ойгача қолиш имконини берадиган визага эга бўлишингиз мумкин.
Иордан визасини олиш талаблари
Иордания визасини олиш учун сизга қуйидаги ҳужжатлар керак бўлади:
- Камида яна олти ой амал қиладиган ва иккита бўш виза саҳифасига эга бўлган паспорт
- Кейинги йўналиш чиптаси
- Турар жойни тасдиқловчи ҳужжат
- Иорданияда яшаш давомида ўзингизни таъминлаш учун етарли молиявий имкониятлар мавжудлигининг исботи
- Виза тўловини тўлаш учун етарли пул
- Агар 30 кундан ортиқ қолсангиз: ОИВ тестининг салбий натижаси.
Иорданияда транзит учун виза талаб қилинадими?
Иорданияда транзит қилиш учун виза керак бўлмайдиган ҳолатлар қуйидагилардир:
- Агар сиз 48 соат ичида жўнаб кетсангиз;
- Аэропорт халқаро майдонини тарк этмасангиз;
- Кейинги йўналишдаги манзилингиз учун зарур бўлган барча ҳужжатлар мавжуд бўлса.
Агар сиз чегара назоратидан бирлашган парвозни амалга ошириш учун ўтишингиз керак бўлса, кириш визасини олишингиз керак бўлади.
Иордания визасини узайтириш
Агар сиз Иорданияда визангиз амал қилиш муддатидан узоқроқ қолишни истасангиз, виза муддати тугашидан олдин Иордания полиция бўлимида рўйхатдан ўтишингиз керак. Агар сизда аэропортда олинган виза бўлса, уни 60 кунга чўздиришингиз мумкин. Агар сизда элчихона визаси бўлса, сиз яшаш муддатини яна олти ойга узайтира оласиз. Агар сиз Иордания полициясида рўйхатдан ўтмасангиз ва визангизни кечиктирсангиз, сиз мамлакатдан кетиш вақтида тўлов тўлашингиз керак бўлади. Тўлов сиз кечиктирган кунлар сонига қараб ҳисобланади – кунига тахминан 2 АҚШ доллари.
Иордан визасини онлайн олишим мумкинми?
Сиз Иордания визасига онлайн тарзда мурожаат қила олмайсиз, аммо визага ўхшаш ҳужжат Jordan Pass'ни онлайн олишингиз мумкин. Jordan Pass – аэропортда олинадиган визага қараганда қимматроқ, лекин у сизга Иорданиядаги бир қанча сайёҳлик манзилларига тўловсиз киришга имкон беради.
Иордан визаси турлари
Қисқа муддатли қолиш учун Иордания туристик/ташриф визаси, бизнес визаси, талаба визаси ва иш визасини тақдим этади. Бир марталик визалар Иорданияга бир марта кириш, икки марталик визалар уч ойга, кўп марталик визалар эса олти ойгача саёҳат қилиш имконини беради. Бу визалар Иордания С визаси деб номланади. С визага мансуб визалар қуйидагилардир:
- Иордания сайёҳлик визаси. Иорданияга фақат сайёҳлик ва кўнгилочар мақсадларда боришни истаган чет элликларга берилади. Бу саёҳатчига Иорданияда уч ойгача қолиш имконини беради.
- Иордания визаси бизнес. Иордания бизнес визаси мамлакатга ишбилармонлик учрашувларида қатнашиш ёки инвестиция киритиш учун ташриф буюрмоқчи бўлган чет элликларга берилади.
- Иорданиядаги оила аъзолари, қариндошлар ва дўстлариникига ташриф визаси. Иорданияга оиласи, қариндошлари ёки дўстларини зиёрат қилиш ниятида келаётган учинчи мамлакат фуқаролари мазкур визани олишлари керак. Бунда фақатгина уй эгаси томонидан ташрифнинг мақсади батафсил кўрсатиладиган ҳақиқий таклифнома билан мамлакатга кириш мумкин.
- Қисқа муддатли таълим ёки ўқиш мақсадида Иорданияга боришни истаган чет эл фуқаролари талаба визасини олишлари керак.
Шунингдек, Иорданияда бўлиб ўтадиган маданий, спорт тадбирлари ва конференцияларда қатнашиш ҳамда қисқа муддатли стажировка учун ҳам алоҳида визалар мавжуд.
Jordan Pass нима?
Jordan Pass – бу Иорданиянинг энг машҳур 30 дан ортиқ сайёҳлик жойларига ташриф буюриш имконини берувчи чиптадир. Агар сиз мамлакатда уч кечадан кўпроқ вақт ўтказсангиз, Jordan Pass'ни олиш фойдалироқдир. Чунки, бу сизни тахминан 56 АҚШ долларлик виза тўлови тўлашдан сақлайди! Хулоса қилиб айтганда, агар сиз саёҳатдан олдин Jordan Pass сотиб олсангиз, кириш учун бошқа ҳеч нарса тўламасдан 36 та саёҳат масканларига ташриф буюришингиз мумкин.
Jordan Pass'ни олиш тартиби
Агар сиз Иорданияда уч кечадан кўпроқ қолмоқчи бўлсангиз ва бир нечта сайёҳлик жойларига ташриф буюрмоқчи бўлсангиз, Jordan Pass учун ариза топширишингиз керак. Бу сизга нақд пулни тежашга ёрдам беради, чунки сиз Jordan Pass ёрдамида Петра каби сайёҳлик шаҳарларига кириш учун тўлов тўламайсиз.
Jordan Pass'нинг уч тури бор ва нарх Петра шаҳрида қанча қолишни хоҳлашингизга қараб ўзгаради:
- Jordan Wanderer (Петрага ташрифнинг 1 куни): 99 АҚШ доллари
- Jordan Explorer (Петрага ташрифнинг 2 куни): 106 АҚШ доллари
- Jordan Expert (Петрага ташрифнинг 3 куни): 113 АҚШ доллари
Jordan Pass олишдан аввал эътибор қаратинг
Мазкур саёҳат чиптаси учун тўлов қилишдан олдин ўзингизга қуйидаги саволларни бериб кўринг:
- Сиз уч кечадан кўпроқ турасизми? Агар сиз Иорданияда уч кечадан кўпроқ қолсангиз, виза учун тўлов қилишингиз кераклигини ёддан чиқарманг.
- Қанча туристик масканга саёҳат қилишни режалаштиряпсиз? Jordan Pass орқали сиз 30 дан ортиқ турли жойларга бепул киришингиз мумкин. Агар сиз уларнинг ҳеч бирига, ҳатто Петрага ҳам боришни режалаштирмасангиз, уни олишнинг ҳожати йўқ.
- Сиз уюшган тур доирасида саёҳат қиласизми? Агар шундай бўлса, унда аэропортда олинадиган визанинг тўлови ҳам одатда саёҳат пакетига қўшилади. Бундан келиб чиқадики, виза учун тўловни тўлаб бўлган ҳолда Jordan Pass олиш ҳам шарт бўлмай қолади.
Болалар учун ҳам Jordan Pass олинадими?
Ўн икки ёшгача бўлган болалар ота-оналари билан бирга Иорданиянинг энг машҳур сайёҳлик жойларига бепул кира оладилар. Болалар 12 ёшдан катта ҳолларда Jordan Pass олиш керак. Jordan Pass саёҳат қилишдан олдин расмий веб-сайт орқали сотиб олинади. Унинг учун тўловни кредит/дебет карта билан тўлаш мумкин. Сиз уни PDF форматида оласиз. Уни чоп этишингиз ёки шунчаки телефонингизда сақлашингиз мумкин. Муҳими, бирор саёҳат манзилига кирганингизда ҳар қандай шаклда бўлсин уни кўрсатишдир.
Jordan Pass'дан фойдаланиш тартиби
Сайёҳлик масканига етиб келганингизда кириш жойида Jordan Pass босма ёки электрон нусхасини кўрсатасиз. Улар уни сканерлайдилар ва сизни чизиқ бўйлаб киргизадилар. Бундан ташқари, виза олганда аэропортда Иммиграция ходимларига ҳам Jordan Pass кўрсатилади. Мазкур бепул саёҳат чиптаси биринчи марта сайёҳлик жойига кириш учун ишлатган пайтдан бошлаб икки ҳафта мобайнида амал қилади. Сиз уни сотиб олган кундан бошлаб 12 ой мобайнида ишлатишингиз мумкин бўлади.
Давлатбек Асадов
Uzbek.life колумнисти